Араб давлатлари лигаси (АДЛ) Эронни террорчилик гуруҳларини қўллаб-қувватлаш ва минтақада диний асосдаги кескинликни келтириб чиқаришда айблади, деб ёзади «Корреспондент.net».
10 январь куни Қоҳирада бўлиб ўтган учрашув якунлари бўйича эълон қилинган қўшма баёнотда араб давлатлари ташқи сиёсий идоралари раҳбарлари Саудия Арабистонининг Теҳрондаги элчихонасига қилинган ҳужумни қоралади ва Эрон ҳукуматини бошқа давлатлар ички ишларига аралашмаслик ҳақида огоҳлантирди.
Қўшма битимни фақат Ливангина имзолашдан бош тортди, у ерда Эрондаги каби, шиалар позицияси кучлидир.
Эслатиб ўтамиз, Саудия Арабистони 3 январь, якшанба куни кечки пайт Эрон ислом республикаси билан дипломатик алоқалар узилганини эълон қилди. Бу нуфузли шиа уламоси Нимр ан-Нимр Саудия Арабистони ҳукумати томонидан қатл этилгани билан боғлиқ. Теҳронда намойишчилар шу муносабат билан Саудия Арабистони элчихонасига бостириб кириб, жиҳозларни синдирган ва ўт қўйишга уринган эди.
Изоҳ (0)