ОФК рейтингида «Бунёдкор» ўзбек клублари орасида биринчи бўлди

Осиё футбол конфедерацияси 2012—2015 йилги натижаларга кўра, Осиё клублари рейтингини эълон қилди. Бу ҳақда Ўзбекистон Профессионал футбол лигаси матбуот хизмати хабар бермоқда.

Унга кўра, Тошкентнинг «Бунёдкор» клуби ўзбек клублари орасида энг яхши натижани қайд этган ва умумий рейтингнинг 12-поғонасидан ўрин олган.

Ўзбек клублари рейтингида Бунёдкордан кейинги ўринларни «Пахтакор» (34), «Насаф» (53), «Локомотив» (73) ҳамда «Нефтчи» (81) клублари эгаллаб турибди.

Осиё клублари рейтингини эса ОЧЛнинг амалдаги ғолиби – «Гуанчжоу Эвергранд» клуби бошқариб турибди. Кучли учликдан Саудия Арабистонининг икки клуби – «Ал Ҳилол» ҳамда «Ал Аҳли» клублари ўрин эгаллаган.

ОФК клублар рейтинги:

1. «Гуанчжоу Эвергранд» (Хитой) – 129.3592. «Ал Ҳилол» (Саудия Арабистони) – 116.003. «Ал Аҳли» (Саудия Арабистони) – 91.004. «Сеул ФК» (Жанубий Корея) – 89.3825. «Кашива Рейсол» (Япония) – 80.4346. «Лаҳвия» (Қатар) – 78.7557. «Чонбук Моторс» (Жанубий Корея) – 77.3828. «Ал Айн» (БАА) – 73.9019. «Истиқлол» (Эрон) – 73.13110. «Аш Шабоб» (Саудия Арабистони) – 71.000**12. «Бунёдкор» (Ўзбекистон) – 69.51634. «Пахтакор» (Ўзбекистон) – 35.51653. «Насаф» (Ўзбекистон) – 23.01673. «Локомотив» (Ўзбекистон) – 16.51681. «Нефтчи» (Ўзбекистон) – 13.683

Эслатиб ўтамиз, 2015 йил якунлари бўйича IFFHS томонидан тузилган рейтингга ўзбек клубларидан фақат «Насаф» киритилган.