Тошкентдаги Пушкин майдонида ҳафтанинг ҳар якшанба куни оловли шоу бўлиб ўтади, деб ёзади «РИА Новости». Яқиндан бошлаб, бу ерда пойстерлар гуруҳи — оловли шарларни ақл бовар қилмас траекториялар бўйлаб айлантирувчи довюраклар ҳам йиғилмоқда.
Тошкентлик пойстерлардан бири — Раъно Макаренко поилар билан жонглёрлик қилинишини биринчи марта 2009 йилда Вьетнамда кўргани, ўшандан буён ўзи ҳам пойстерлик қилишини айтди.
Пойтахтда тузилган гуруҳ — «Гори ясно» («Ёрқин бўлиб чақна») таркибида ўн киши бор. Уларнинг баъзилари бир йил ичида бутун дунёни айланиб чиқишга ҳам улгурди. Жумладан, Макаренко Прагага саёҳат қилиб, Tribo Fuego пойстерлар фестивалида иштирок этди.
Пои — оловли шоу учун реквизит бўлиб, у ип ёки занжирга бириккан бир жуфт шарчадан иборат, ипнинг даста ўрнатилган иккинчи учидан ушлаб айлантириш мумкин. Бундай реквизитдан фойдаланиб чиқиш қиладиган артистлар пойстерлар дейилади.
Оловли шоулар апрель ойидан бошлаб давом эттирилади ва ҳар якшанба куни бўлиб ўтади.
Изоҳ (0)