Ўзбекистоннинг айрим ҳудудларида 8 январь куни ҳаво ҳарорати +18 даражагача кўтарилади

Ўзбекистоннинг айрим ҳудудларида 8 январь куни ҳаво ҳарорати +18 даражагача кўтарилади, дея хабар бермоқда «Ўзгидромет» маркази.

Хабар беришларича, 8 январь куни Ўзбекистоннинг тоғли ҳудудларида, шунингдек, Фарғона водийси вилоятларида, Тошкент шаҳри ва Тошкент вилоятида ёғингарчилик кутилади, Тошкент шаҳридан бошқа барча ҳудудларда туман тушиши мумкин.

8 январга ўтар кечаси Ўзбекистоннинг тоғли ҳудудларида ҳаво ҳарорати -10 даража, Қорақалпоғистон Республикаси ва Хоразм вилоятида -5 даражагача совиши кутилмоқда.

8 январь куни кундузи тоғли ҳудудларда +3 даражагача, Бухоро, Навоий, Қашқадарё ва Сурхондарё вилоятларида +18 даражагача, қолган ҳудудларда +10...+13 даража оралиғида илиқ бўлиши кутилмоқда.