Huawei Mate 8 смартфони
Huawei Mate 8 бизнесменлар учун имидж смартфони сифатида таърифланди. У 6 дюймли экран, HiSilicon Kirin 950 процессори, 4000 мА/с сиғимли аккумулятор, 16 мегапикселли Sony IMX 298 камераси (асосий) ва 8 мегапикселли олд камерага эга бўлди.
Қурилманинг орқа панелига бармоқ изи сканери жойлашган, у Mate 7 смартфонидаги датчикдан икки марта тезроқ ишлайди. Сканер фото, видео ва ҳужжатларни «қулфлаш», камерани ишга тушириш, қўнғироққа жавоб бериш, будилникни ўчириш учун ҳам қўлланилиши мумкин.
Смартфоннинг 3 Гб тезкор ва 32 Гб ички хотирага эга версияси 599 евро, 4 Гб тезкор ва 64 Гб ички хотиралиси эса 699 евро туради.MediaPad M2 планшети
Тўртта динамикка эга янги Huawei планшети мультимедиа ва мобил ўйинлар ишқибозлари учун қизиқ бўлган қурилмадир.
Планшетнинг 2 Гб тезкор ва 16 Гб ички хотирага эга версияси 349 доллар, 3 Гб тезкор ва 64 Гб ички хотиралиси 469 долларга тушади.Янгиланган Huawei Watch
Бу сафар аксессуарнинг кўк — Jewel ва оқ — Elegant вариантлари намойиш этилди. Гаджетлар ички динамикка ва кирувчи қўнғироқларга жавоб бериш функциясига эга — Бу Android Wear асосидаги шундай функцияга эга биринчи соат.
Huawei Watch Jewel’нинг нархи 599 доллар, Huawei Watch Elegant — 499 доллар.
Охирида Huawei аввалроқ тақдим этилган Nexus 6P’ни намойиш қилди, энди у хира тилларанг, оқ, қора ва кумушранг тусларда чиқарилди.
Изоҳ (0)