GSM ва CDMA тармоқларида мобил алоқа тақдим этувчи Ўзбекистондаги ягона оператор — UZMOBILE ўз абонетларини Янги йил арафасида қувончли хабарлар билан хушнуд этмоқда! Тармоқни ривожлантириш, кўрсатилаётган хизматлар сифатини ошириш, алоқа қамраш даражасини яхшилаш мобил алоқа миллий операторининг мақсадидир.
Бу борада қатор ишлар амалга оширилмоқда. Масалан, декабрь ойида UZMOBILE GSM тармоғида кенг имкониятлар яратувчи Pre-paid биллинг тизими тўлиқ ишга туширилди. Янги Pre-paid биллинг тизимида абонентларга қўшимча қулайликлар яратилди деса, муболаға бўлмайди. Энди UZMOBILE GSM абонентлари бир вақтнинг ўзида бир неча Интернет-пакетларни харид қилишлари, баланс ҳисоби нол бўлганда ҳам алоқада қолиш имконига эга, яъни, кирувчи қўнғироқ ва SMS-хабарлар ҳамда харид қилинган интернет-пакетлар трафикидан фойдаланишлари мумкин. Шу билан бир қаторда, баланс ҳолати ҳақида аниқ маълумотни исталган вақтда олиш (*100#) ва қулай USSD-меню (*111#) орқали тариф режасини алмаштириш имкони мавжуд бўлди.
UZMOBILE GSM тармоғида юқори тезликдаги Интернет хизматини тақдим этиб келмоқда. Мижозларга янада кўпроқ қулайликлар тақдим этиш мақсадида катта ҳажмли Интернет-пакетларининг амал қилиш муддати узайтирилди. GSM тармоқ абонентлари энди 1200 Мб, 2400 Мб, 6000 Мб, 12 000 Мб ҳажмли Интернет-пакетларидан 90 кун муддатда фойдаланишлари мумкин. Шу билан бир қаторда GSM тармоғи абонентлари учун янги — «Қабул қилинмаган қўнғироқлар» ва «Тармоқда» қўшимча хизматлари киритилиб, 2016 йил 29 февралига қадар барча абонентлар бу хизматлардан бепул фойдаланишлари мумкин. «Қабул қилинмаган қўнғироқлар» хизмати ёрдамида абонентлар телефон ўчиқ ёки тармоқдан ташқари бўлган ҳолларда қабул қилинмаган қўнғироқлар ҳақида маълумотга эга бўлишлари мумкин. «Тармоқда» қўшимча хизмати эса UZMOBILE мижозига абонент қўнғироқ учун мавжуд эканлиги ҳақида SMS-хабарнома йўллайди.
GSM тармоғини такомиллаштириш билан бир қаторда CDMA тармоғини ривожланитиш ишлари олиб борилмоқда. Хусусан, CDMA тармоғига уланган янги абонентлар учун «Янги йилга UZMOBILE билан» акциясини эълон қилди. Акцияга асосан, жорий йилнинг 30 декабрдан 2016 йил 29 февралига қадар жисмоний шахслар учун «Стационар 500» ҳамда юридик шахслар учун «Корпоратив 500» тариф режаларига уланган янги абонентлар 2016 йил 29 февралга қадар сифатли алоқадан бепул фойдалана олади. Мижозларга қулайликлар яратиш мақсадида, «Ўзбектелеком» АК сотув ва хизмат кўрсатиш офисларида CDMA стандартида ишлайдиган бир қатор мобил ҳамда стационар телефонларини ҳарид қилиш имконияти мавжуд.
UZMOBILE — янги имкониятларга шахдам қадам ташловчи, диёримиз — Ўзбекистоннинг мобил алоқа миллий оператори!
Реклама ҳуқуқи асосида. Хизматлар лицензияланган
Изоҳ (0)