Англиянинг Суссекс графлигида етти ёшли бола Jurassic World ўйинини ўйнаш учун отасининг iPad’ини олди ва ўйин ичидаги харидларга 4000 фунт стерлинг (тахминан 6000 доллар) сарф қилди, деб ёзади «Hi-tech.mail.ru». Харидлар амалга оширилишини тасдиқлаш учун болакай Apple ID мураккаб паролини ҳам киритган.
Ота дастлаб буни қандайдир хатолик деб ўйлади. Статистика таҳлили маблағлар 13—18 декабрь кунлари харжланганини кўрсатди, ўғил жами 65 та харидни амалга оширган. Ота ўғли тўлов маълумотларини Apple ID паролидан фойдаланиб тасдиқлаганидан ҳайратга тушди.
У Apple кўмак тизимига мурожаат қилиб, вазиятни тартибга солишни сўради. iPad ота-она назорати ускуналарига эга бўлгани туфайли, компания вакиллари пулни қайтармаслиги ҳам мумкин эди, бироқ улар маблағни Apple ID’га бириктирилган ҳисобга ўн кун ичида юборишга ваъда берди.
Изоҳ (0)