«Билайн-Ўзбекистон» шу кунларда такрорланаётган ва алоқа операторлари абонентларига қаратилган SMS-спам ҳолатлари ҳақида огоҳлантиради. Бу ҳақда компания матбуот хизмати хабар бермоқда.
«Билайн-Ўзбекистон» ахборот хавфсизлиги бўйича мутахассисларининг аниқлашича, умумий спам-ҳужумнинг мақсади — мобил қурилмага зарарли дастурни ўрнатиш ва кейинчалик қурилма манзил китобидаги барча рақамларга зарарловчи ҳаволани тарқатишдир.
Яъни, абонент кўрсатилган ҳавола бўйича ўца, унинг рақамлар рўйхати фирибгарларнинг қўлига тушади. Бунинг натижасида абонентлар шахсий маълумотларини, пул маблағларини йўқотиши, хавфли дастурни уяли мосламасига юклаб олиши ҳамда рақами спам-рўйхатга тушиб қолиши мумкин.
«Суратда кўрсатилгани каби SMS-хабар олганингизда, берилган ҳавола орқали зинҳор ўтмаслигингизни сўраймиз — шунчаки уни ўз уяли мосламангизган ўчириб ташланг. Ҳозирги пайтда ушбу сайт «Билайн-Ўзбекистон» абонентлари учун блокланган. Хавфли дастур мавжуд ҳаволанинг манзили ўзгариши мумкин», — дейилади компания баёнотида.
Изоҳ (0)