Футбол бўйича Ўзбекистон миллий терма жамоаси етакчиларидан бири Сервер Жепаров Тошкентнинг «Локомотив» футбол клуби билан бир йиллик шартнома имзолади. Бу ҳақда «Championat.asia» хабар бермоқда.
«Локомотив» яна икки футболчи — Тошкентнинг «Пахтакор» футбол клуби сардори, грузиялик Кахи Махарадзе ва Муборакнинг «Машъал» футбол клуби ҳимоячиси Шерзод Файзиев билан ҳам шартнома тузган.
«Шундай қилиб, Сервер Жепаров 5 йиллик таннафусдан сўнг яна Олий Лигага қайтди», — деб ёзади «Championat.asia». Ўз вақтида Наманганнинг «Навбаҳор», Тошкентнинг «Пахтакор» ва «Бунёдкор» клубларида тўп сурган ярим ҳимоячи сўнгги бир неча йилдан бери Жанубий Кореяда тўп сураётганди.
Қайд этиш жоиз, Кахи Махарадзе Ўзбекистондаги фаолиятини айнан «Локомотив»да бошлаб, кейинчалик «Пахтакор» жамоасига ўтганди.
Изоҳ (0)