Қўқон шаҳрида 26 декабрь куни Muloqot ижтимоий тармоғининг водийлик фойдаланувчилари учрашуви бўлиб ўтди. Бу ҳақда тармоқ фойдаланувчиси DJ Madiyor хабар қолдирган.
Учрашувда Muloqot ижтимоий тармоғининг Андижон, Наманган, Фарғона, Қўқон шаҳарларида истиқомат қилувчи фойдаланувчилари қатнашган.
Байрамона кайфиятда, хурсандчилик билан ўтган учрашув давомида ижтимоий тармоқ фойдаланувчилари ҳаётда ўзаро яқиндан танишган, фикр алмашган.
Шунингдек, учрашув ташкилотчилари томонидан тайёрланган, «Келмаганларга алам қилсин» деган ёзуви бўлган махсус торт дастурхонга тортилган.
Қўқондаги учрашув Худоёрхон ўрдасига саёҳат билан якунига етган.
Изоҳ (0)