Agar Kiyev Qrimga elektr energiyasi yetkazib berish haqidagi shartnomaga yarim orol Ukraina tomoniga tegishliligi haqidagi bandni kiritishni talab qiladigan bo‘lsa, Rossiya, ehtimol, Kiyev bilan bunday shartnoma tuzishdan bosh tortadi. Bunday bayonot bilan Rossiya prezidenti matbuot kotibi Dmitriy Peskov chiqish qildi, deb yozadi “Vedomosti”.
“Katta ehtimol bilan taxmin qilish mumkinki, prezident bunday shartlarga asoslangan shartnomani imzolashdan bosh tortish haqida qaror qabul qiladi”, — dedi u.
Shu tariqa, Peskov qrimliklar o‘rtasida o‘tkazilgan so‘rov natijalarini izohladi. So‘rov yakunlariga ko‘ra, qrimliklarning 93 foizi Ukraina bilan Kiyevning talablariga asoslangan shartnoma imzolashga qarshi.
“Shartnoma imzolash haqida qaror qabul qilishdan oldin, prezident qrimliklarning roziligini olmoqchi edi. Ya’ni, qrimliklar shartnomada Ukrainaning bir qismi sifatida tilga olinib, u yerdan elektr energiyasi qabul qilishga tayyorligi yoki, aytaylik, 1-mayga qadar — energiya ko‘prigi to‘liq ishga tushirilgunicha elektr energiyasi yetkazib berish bo‘yicha yuzaga keladigan muayyan taqchillikka tayyorligini bilmoqchi edi”, — deya aniqlik kiritdi Peskov.
Izoh (0)