Ўғрилик устида қўлга тушган 7 спортчи (фото)

«Sports.ru» ўғрилик устида қўлга тушган спорт юлдузларини санаб ўтди.

Давид Де Хеа

«Манчестер Юнайтед» дарвозабони 1,2 фунтлик ширин кулчани ўғирлагани учун қўлга тушган. Де Хеа дўконда кулчани олгач, ҳамёнини машинада унутгани ёдига тушгани, автотураргоҳга қараб кетаётганида эса соқчилар йўлини тўсганини айтиб берган. Давидни жазолаб ўтиришмади.

Андреа Доссена

«Ливерпуль» собиқ ҳимоячиси супермаркетда асал ва гўшт учун пул тўламаганидан сўнг қўлга олинган эди. Полиция Доссенанинг важларини қабул қилди ва айблов эълон қилмасдан қўйиб юборди.

Майкл Картер-Уильямс

2012 йилда баскетболчи дўкондан халат ва қўлқопни олиб чиқиб кетмоқчи бўлган. Айбловдан қочиш учун у дўконга 500 доллар тўлаган.

Жеймис Уинстон

«Тампа-Бей» квотербеки ўтган баҳорда супермаркетдан қисқичбақа ўғирлаб, қўлга тушган эди. У 20 соатлик жамоат ишлари билан жазоланди.

Глен Жонсон

Англия терма жамоаси ҳимоячиси дўкондан унитаз ўриндиғи ва қориштиргични ўмаришга уринган. Соқчилар буни сезиб қолгач, Жонсон 80 фунт жарима тўлашга мажбур бўлган.

Майк Лик

«Цинциннати Редс» бейсболчиси ҳар бири 10 долларлик олтита футболкани ўғирлагани учун ҳибсга олинган. Лик айбини тан олиб, узр сўрагач, 30 соатга жамоат ишларига маҳкум қилинди.

Женнифер Каприати

17 ёшлигида теннисчи қиз савдо марказида 15 долларлик узукни тақиб кўриб, жойига қайтариб қўймагач, қўлга олинган эди. Каприати шунчаки буни унутганини айтгач, жазоланмади.