Саудия Арабистони тарихидаги рекорд даражадаги бюджет тақчиллигига дунёда нефть нархи кескин тушиб кетгани сабаб бўлди. Бу ҳақда мамлакат молия вазирлиги маълум қилди, дея хабар беради «Интерфакс».
Вазирлик томонидан тарқатилган хабарда билдирилишича, 2015 йилда бюджет тақчиллиги 98 миллиард долларни ташкил этган, 2016 йилда эса 87 миллиард доллар бўлиши мумкин. Жорий йилда бюджет даромадлари кутилганидан 15% кам бўлиб, 2014 йилга нисбатан 42 фоизга пасайган. Иқтисодий ҳолатни ўнглаш учун бир қатор чоралар, жумладан, электр ва ёқилғига субсидиялардан беш йилга воз кечиш, бензин ва дизель ёқилғиси нархини тахминан 50 фоизга ошириш режалаштирилмоқда.
Кузатувчилар Саудия Арабистони Яманда исёнчи хусийларга қарши ўтказаётган ҳарбий амалиётлар ҳам катта харажатларга сабаб бўлаётганини таъкидламоқда.
Изоҳ (0)