АҚШнинг жануби-шарқида юз берган об-ҳавонинг ёмонлашуви оқибатида қурбон бўлганлар сони 18 кишига етди. Бу ҳақда Associated Press берган маълумотлар асосида «Интерфакс» хабар қилмоқда.
Таъкидланишича, сўнгги кунларда жароҳат олганлар сони 56 кишига етиб, дастлабки маълумотларга кўра 241 та уй зарар кўрган.
Жануби-шарқда жойлашган штатларда эълон қилинган бўрон таҳдиди бўйича огоҳлантириш 27 декабрь, якшанба куни ҳам амалда бўлади.
Олдинроқ АҚШнинг Миссисипи, Теннесси ва Арканзас штатларида бўлиб ўтган пўртана ва торнадолар оқибатида 14 киши қурбон бўлгани хабар қилинганди.
Изоҳ (0)