Хонанда Райҳон Ғаниева якунига етаётган 2015 йилдан ёрқин хотиралар қолаётганини маълум қилди. Бу ҳақда у «Суғдиёна» газетасига маълум қилди.
«Ўтиб бораётган йилда ёрқин хотираларим қолаяпти. Синглимни турмушга узатдим, ўғилларим бир ёш бўлди. Яқинларимнинг бахтини кўриб, Яратганга беҳисоб шукроналар айтаман», — деди Райҳон.
«Кўзларимни намлантирган ёшларда севинч учқунлари бор. Қани энди шу кунларни волидам ҳам кўрганида... Келаётган 2016 йилда бахтиёр кунларим кўп бўлишига умид қиляпман», — деди хонанда.
«Умид... Уни ҳаммага, соғлик истаган, бахтини кутган, ишида, оиласидаги муаммосидан ташвишда бўлганларга тилаб қоламан. Умид билан яшанг, орзу қилинг. Албатта, уларнинг амалга ошишига ишонинг!», — деди Райҳон.
Эслатиб ўтамиз, Райҳон 2012 йил ноябрида актёр Йигитали Мамажоновга турмушга чиққан эди, 2014 йилнинг май ойида эса Райҳон эгизак фарзандли бўлди. 2015 йил январида Райҳон Йигитали билан ажрашаётганини тасдиқлади.
Изоҳ (0)