ФИФА томонидан футболдаги фаолиятдан саккиз йилга четлаштирилган Зепп Блаттер футболдан кетишини эълон қилди. Бу ҳақда у The Wall Street Journal нашрига берган интервьюсида маълум қилган, дея хабар беради «РБК».
«Футболдаги фаолиятимни якунладим, — дея таъкидлаган ФИФАда 40 йил давомида меҳнат қилган Блаттер. — Мени энди келажагимга қараганда ёрқинроқ бўлган ўтмиш ҳақидаги гап-сўзлар безовта қилмайди».
Интервью чоғида Блаттер ўзи каби 8 йил муддатга футболдан четлатилган УЕФА президенти Мишель Платини ва ФИФАнинг собиқ бош котиби Жером Валькени танқид остига олди. Унинг айтишича, икки амалдорнинг халқаро футбол ташкилоти раҳбарлигига даъво қилиши ўртадаги можароларга сабаб бўлган.
Изоҳ (0)