Францияда сунъий юрак ўрнатилган учинчи одам вафот этди. Бу ҳақда биопротез ишлаб чиқарган Carmat компанияси маълум қилди.
74 ёшли бемор 18 декабрь куни оламдан ўтган. Олинган маълумотларга кўра, сурункали буйрак етишмовчилиги туфайли унинг нафаси тўхтаб қолган.
Сунъий юрак унга 8 апрелда кўчириб ўтказилган, август ойининг охирида эса у уйига қайтганди.
Текширувлар биопротезнинг ишлаши беморнинг ўлимига алоқадор эмаслигини кўрсатди. Бемор бир қанча оғир касалликлар билан оғриган, шу жумладан буйрак етишмовчилигидан ҳам.
Илк бор Carmat юракларини ўрнатиш операцияси 2013 йилнинг 18 декабрида бўлиб ўтганди. 76 ёшли эркак операциядан сўнг 75 кун яшади. 2015 йилнинг май ойида эса иккинчи бўлиб сунъий юрак қўйдирган 69 ёшли эркак операциядан 9 ой ўтгач оламдан ўтди.
Изоҳ (0)