Ўзбекистон касаба уюшмалари Федерацияси Кенгашининг юридик клиникаси 2016 йилда бепул юридик маслаҳат хизмат кўрсатиш бўйича аризалар қабул қилишни бошлади. Бу ҳақда Кенгаш матбуот хизмати хабар бермоқда.
Хизматлар Тошкент шаҳрида фаолият юритувчи нодавлат нотижорат ташкилотлари билан тузилган битим асосида йил давомида доимий равишда, юридик клиника малакали мураббийларининг назорати остида волонтёрлар томонидан амалга оширилади.
Бундан кўзланган асосий мақсад нодавлат нотижорат ташкилотларини ҳуқуқий қўллаб-қувватлаш, юридик муаммоларига ечим топишда кўмаклашиш, ННТлар фаолиятини янада ривожлантиришга ҳисса қўшишдан иборат.
Эслатиб ўтамиз, Ўзбекистон касаба уюшмалари Федерацияси юридик клиникаси жорий йил сентябрь ойида фуқароларга ижтимоий-меҳнат соҳасига оид бепул юридик хизмат кўрсатиш мақсадида иш бошлаганди.
Изоҳ (0)