O‘zbekiston kasaba uyushmalari Federatsiyasi Kengashining yuridik klinikasi 2016-yilda bepul yuridik maslahat xizmat ko‘rsatish bo‘yicha arizalar qabul qilishni boshladi. Bu haqda Kengash matbuot xizmati xabar bermoqda.
Xizmatlar Toshkent shahrida faoliyat yurituvchi nodavlat notijorat tashkilotlari bilan tuzilgan bitim asosida yil davomida doimiy ravishda, yuridik klinika malakali murabbiylarining nazorati ostida volontyorlar tomonidan amalga oshiriladi.
Bundan ko‘zlangan asosiy maqsad nodavlat notijorat tashkilotlarini huquqiy qo‘llab-quvvatlash, yuridik muammolariga yechim topishda ko‘maklashish, NNTlar faoliyatini yanada rivojlantirishga hissa qo‘shishdan iborat.
Eslatib o‘tamiz, O‘zbekiston kasaba uyushmalari Federatsiyasi yuridik klinikasi joriy yil sentabr oyida fuqarolarga ijtimoiy-mehnat sohasiga oid bepul yuridik xizmat ko‘rsatish maqsadida ish boshlagandi.
Izoh (0)