Лондоннинг «Челси» футбол клуби бош мураббийи Жозе Моуриньо истеъфога чиқарилди. Бу ҳақда BBC Sport хабар бермоқда. Клуб мураббийнинг истеъфоси ҳақидаги хабарларни расман тасдиқлади.
BBC Sport муҳаррири Дэн Роуннинг маълум қилишича, «бир неча дақиқа аввал Моуриньо клуб раҳбарияти билан учрашган».
«Аввал айтилган 40 миллион фунтлик компенсация пули тўланмайди. Моуриньо унга мавсум охиригача тўланиши керак бўлган пул — 12 миллион фунтни олади», — деди Роун.
Chelsea Football Club and Jose Mourinho have today parted company by mutual consent. https://t.co/YYJaxxdE36
— Chelsea FC (@ChelseaFC) December 17, 2015
Meduza’нинг қайд этишича, «Челси» 2015/2016 йилги мавсумни нисбатан муваффақиятсиз ўтказмоқда. Англия чемпионати 16-туридан сўнг, Лондон клуби мусобақа жадвалида тўрт ғалаба, уч дуранг ва тўққиз мағлубият билан 16-ўринда бормоқда. 16-турда «Челси» «Лестер»га 1:2 ҳисобида имкониятни бой берди.
«Челси» Европа Чемпионлар лигаси гуруҳ босқичида биринчи ўрин билан кейинги босқичга чиқди (гуруҳда, шунингдек, «Порту» (Португалия), «Динамо Киев» (Украина) ва «Маккаби Тель-Авив» (Исроил) бор эди. Жамоа мусобақа нимчорак финалида Франциянинг «ПСЖ» жамоасига қарши ўйнайди.
Изоҳ (0)