2016 йил 1 январидан Ўзбекистонда алкоголли маҳсулотлар (пиводан ташқари) учун энг кам улгуржи-сотиш ва чакана нархлар оширилади, дея хабар бермоқда «Газета.uz» Молия вазирлиги ва Давлат солиқ қўмитасининг биргаликдаги қарори (пдф)га таяниб.
Ҳужжатга мувофиқ, бир литр винонинг энг кам улгуржи-сотиш нархи 3800 сўмдан 4500 сўмга (18,4%), энг кам чакана нархи 4600 сўмдан 5400 сўмгача (17,3%) оширилди.
Ароқ ва бошқа алкоголли маҳсулотларнинг ишлаб чиқарувчи корхоналар томонидан энг кам улгуржи-сотиш нархи 10500 сўм (ҳозир 9000 сўм) (16,6%), энг кам чакана нархи эса 12600 сўм (ҳозир 10900 сўм) деб белгиланди (15,6%).
Коняк учун ишлаб чиқарувчи корхоналарнинг энг кам улгуржи-сотиш нархи 13900 сўм (ҳозир 11100 сўм, ошиш 25,2%), энг кам чакана нархи 16700 сўм (ҳозир 13400 сўм, ошиш 24,6%)ни ташкил этди.
Изоҳ (0)