Wired нашри франциялик фотосуратчи Ромен Шампалюннинг Samsung Galaxy («Samsung галактикаси») деб номланган ишига эътибор қаратди. «Vc.ru»нинг ёзишича, фотосуратчи ўз ижодий ишлари орқали Жанубий Корея пойтахти — Сеул шаҳридаги ҳаёт ҳақида ҳикоя қилади.
Унинг суратлари Samsung корпорацияси шаҳар ҳаётининг барча соҳаларига — ишдан тортиб, кўнгилхушликкача ҳаммасига кириб боргани, ҳаммасини қамраб олганини кўрсатиб беради.
Samsung — Кореянинг энг йирик конгломератларидан бири. Компанияга 1938 йили асос солинган ва у ўз фаолиятини балиқ, ун ва шакар каби озиқ-овқат маҳсулотларини етказиб берувчи сифатида бошлаган.
2013 йили Ромен Шампалюн бутун дунёда фойдаланилаётган смартфонлар аслида қандай ишлаб чиқарилишига қизиқиб қолган. Унинг сўзларга кўра, у бир неча қизиқарли мақолаларни топган, бироқ уларнинг ҳеч бири компания шаҳар ва мамлакат ҳаётига қанчалик таъсир қилаётгани ҳақида тўлиқ тасаввур бера олмасди. Шундан сўнг фотосуратчи мазкур масалани мустақил равишда тадқиқ этишга қарор қилди ва Кореяга чипта сотиб олди.
Шампалюннинг аниқлашича, Samsung шаҳар ҳаётининг деярли барча соҳаларига кириб борган. Сеул яқинидаги ва чеккасидаги бир неча турар-жой туманларини тўлиқ корпорация қурган — уларда Samsung ишчилар яшайди. Катта тиббий марказ, бир неча спорт стадионлари, новвойхоналар ҳам унга тегишли. Samsung логотипи бўлмаган кўплаб бошқа иншоотлар ҳам компанияники. «Баъзан кореяликларнинг ўзи ҳам уларнинг ҳаётида конгломератнинг ўрни қанчалик даражада катта эканлигини тушуниб етмайди», — деб ёзади Samsung Galaxy лойиҳаси муаллифи.
Samsung маҳаллий университетлардан бирининг улушига эгалик қилади — унинг аксарият битирувчилари кейинчалик корпорацияга ишга киради. Компания ходимларига тўйни Samsung офисида ўтказиш ҳуқуқи тақдим этилади.Сеулдан 30 километр масофада жойлашган шаҳар — Сувондаги Samsung’нинг турар-жой тумани. У компания офисларидан бирининг яқинида жойлашган
Samsung Lions бейсбол жамоаси, тушунарлики, Samsung’га тегишли
Samsung’га тегишли «Эверленд» кўнгилочар боғи
«Эверленд»
Сеулнинг Каннам мавзесидаги Samsung бош қароргоҳи
Samsung бош қароргоҳидаги тўй. Ҳар бир маросим кўпи билан 45 дақиқа давом этади
Samsung томонидан қурилган турар-жой туманидаги дўкон
Сонгюнгван университети битирувчилари — Samsung 1996 йили бу олийгоҳнинг бир қисмини сотиб олган
1995 йилда ташкил этилган Samsung қутқарув гуруҳи вакили
Корпорация томонидан қурилган порт
Изоҳ (0)