Янги «Союз» ракетаси орбитага иккита ҳарбий сунъий йўлдошни олиб чиқди

Плесецк космодромидан 5 декабрь куни янги «Союз-2.1Б» ракетаси ҳарбий мақсадлар учун мўлжалланган иккита сунъий йўлдошни орбитага олиб чиқди. Бу ҳақда «РИА Новости» Мудофаа вазирлиги матбуот хизмати маълумотига таяниб хабар беради.

Архангельск вилоятидаги Плесецк космодромидан хусусиятлари ва мақсади Мудофаа вазирлиги томонидан ошкор этилмаган иккита сунъий йўлдош билан «Союз-2.1Б» ракетаси учирилди. Тайёрлов ва учириш жараёни космик қўшинлар қўмондони Александр Головко назоратида ўтди.

Бу «Союз-2.1Б» ракета ташувчисининг Плесецк космодромидан иккинчи марта учирилишидир. Биринчи марта у 2013 йилнинг декабрида муваффақиятли учирилган эди.