«Туркистон» саройида Ўзбекистон тараққиётига муносиб ҳисса қўшаётган бир гуруҳ ёшларга «Ўзбекистон белгиси» кўкрак нишонини тантанали топшириш маросими бўлиб ўтди. Бу ҳақда ЎзА хабар бермоқда.
Тантанали маросим олдидан тадбир иштирокчилари Мустақиллик ва эзгулик монументи пойига гул қўйди.
«Ўзбекистон белгиси» кўкрак нишони ватанпарварлик, халқпарварлик, фидойилик, меҳнацеварлик фазилатларини ўзида мужассамлаштирган, Ўзбекистон шарафини юксалтиришга, халқаро нуфузини оширишга ҳисса қўшаётган, ижтимоий-сиёсий ҳаётда фаол иштирок этиб, тенгдошларига намуна бўлаётган ёшларни қўллаб-қувватлаш мақсадида Ўзбекистон Президенти фармони билан таъсис этилган юксак мукофотлардан биридир.
2003 йилдан буён ушбу нуфузли кўкрак нишони билан илм-фан, маданият, таълим, соғлиқни сақлаш, санъат, журналистика, спорт, қишлоқ хўжалиги, кичик бизнес, ҳуқуқ ва ҳарбий соҳаларда юксак натижаларга эришган 435 нафар йигит-қиз тақдирланди. 2015 йилда 22 нафар иқтидорли ёшлар ушбу юксак мукофотга сазовор бўлди.
Маросим эстрада хонандалари ва ёш ижрочилар иштирокидаги концерт билан якунланди.
Изоҳ (0)