Қарши локомотив депосида янги «Электровоз цехи» қуриб битказилиб, ишга туширилди. Бу ҳақда «Ўзбекистон темир йўллари» АЖ матбуот хизмати хабар бермоқда.
Цехга Хитойдан 8 турдаги текширув ускуналари ва 4 турдаги дастгоҳ олиб келинди, Капитал қурилиш дирексияси томонидан 6 турдаги технологик ускуналар ўрнатилди.
Хабар беришларича, хитойлик мутахассислар янги дастгоҳларни бошқариш бўйича ўқув машғулотларини олиб борди.
Қайд этишларича, янги цех «Мароқанд — Қарши» темирйўлининг электрлаштирилган линияси ишга туширилиши муносабати билан бу ерда ҳаракатланувчи электровозларга техник хизмат кўрсатиш мақсадида ташкил этилган.
Изоҳ (0)