Туркия Россияга тегишли Су-24 самолёти билан юз берган ҳодиса учун Россиядан узр сўраш ниятида эмас. Бу ҳақда, «Газета.ru» хабарига кўра, Туркия бош вазири Аҳмет Давутўғли маълум қилган.
«Ҳаво кенгликларимизни, қуруқликдаги чегараларимизни ҳимоя қилиш — нафақат ҳуқуқимиз, балки мажбуриятимиз ҳамдир. Ҳеч ким ўз мажбуриятини бажаргани учун узр сўрамайди», — деди Давутўғли.
Аввалроқ Туркия президенти Ражаб Тоййиб Эрдўғон ҳам Су-24 нинг уриб туширилгани учун Туркия узр сўрамаслигини маълум қилганди. Унинг сўзларига кўра, турк учувчилари ва қуролли кучлари ўз мажбуриятларини бажариб, қонунбузарликка жавоб берган.
Воқеа: Туркия уриб туширган Су-24
Изоҳ (0)