Тошкентдаги олий таълим муассасаларидан бирининг 1-курсида таълим олувчи талаба автомобилда 33 ёшли пиёдани уриб юбориб, воқеа жойидан қочиб кетган. Тошкент шаҳар ИИББ ЙҲХБ Жамоатчилик ва оммавий ахборот воситалари билан алоқа қилиш бўлими инспектори майор Алишер Абдуқодировнинг «Бекажон» газетасига маълум қилишича, ҳодиса 30 октябрь куни рўй берган.
Хабар беришларича, пиёда оғир тан жароҳати билан шифохонага келтирилган. «Йўл-транспорт ҳодисаси кундузги соат иккиларда содир этилган бўлса, ҳайдовчи кечқурун 20:00 лар атрофида қидирув бўлими ходимлари томонидан ушланди», — дейди майор Абдуқодиров.
«Бундай ҳодисаларни аниқлашда, албатта, ҳайдовчининг ўша пайтда телефондан гаплашгани аниқланади, шунингдек, атрофдагиларнинг воқеани кўргани ҳам эътиборга олинади. Воқеани ўрганиш учун атрофдаги видеокузатувлар ҳам кўрилади. Қисқаси, бугун техника тараққиётида ҳеч бир ЙТҲ беиз, яширинча қолмайди», — деди ИИББ ЙҲББ вакили.
Изоҳ (0)