Амур лақабли йўлбарсга озуқа сифатида берилган, бироқ у билан дўстлашиб қолиб, йиртқични ўз уйидан қувиб чиқарган Тимур лақабли эчкини бошқа вольерга ўтказишмайди, чунки унинг ҳаёти хавф остида эмас, дея хабар бермоқда «РИА Новости» Приморье сафари боғи директорига таяниб.
«Мана бешинчи кундирки, Амур ва Тимур бирга тунамоқда, авваллари йўлбарс эрталаб вольердан чиқиб, ўз ишлари билан машғул бўла бошлаган бўлса, энди эчки унинг ортидан келишини кутиб ўтиради. Ўйлашимизча, охир-оқибат, Амур Тимурни еб қўймайди, чунки у эчкини ўлжа эмас, балки ўзи билан бир хил мавқега эга жонивор сифатида кўрмоқда», — деди боғ директори.
Унинг қўшимча қилишича, жониворлар бирга яшай бошлаганидан бери улар тирик озуқа билан сийланган. «Бироқ Тимурга унинг муносабати бошқача — уни худди тенгқуридек кўради, улар, ҳатто, сувни ҳам биргаликда ичади», — деди у.
Эслатиб ўтамиз, аввалроқ Россиянинг Приморье ўлкасидаги сафари боғида Амур лақабли йўлбарсга тирик озуқа сифатида ботир эчкини келтириб беришгани, у ўлжани емай қўя қолгани хабар берилган эди. Тимур лақабли эчки йиртқични пода бошида борувчи ҳайвон деб ўйлади ва унинг ортидан қолмади. Кундузлари Тимур ва Амур катта вольерда биргаликда сайр қилади. Бунинг устига, эчки йўлбарсни уйидан қувиб чиқарди ва бир неча кундан бери унинг жойида ухламоқда. Амур уйчанинг томига чиқиб олишга мажбур бўлди.
Изоҳ (0)