«Дарё»да янги доимий рукн — ҳар куни энг муҳим янгиликларнинг кечки дайжести бериб борилади.
1. Тошкент шаҳрида 2 балли ерости силкинишлари сезилди. Қирғизистонда юз берган зилзила кучини андижонликлар яхшироқ ҳис қилди.
2. Малида террорчилар эгаллаб олган Radisson меҳмонхонасидан гаровдагиларнинг 80 га яқини озод этилди. Баъзи маълумотларга кўра икки нафар, бошқа маълумотларга кўра ўнга яқин террорчи Бамако марказидаги меҳмонхонада 170 кишини гаровга олган (воқеа тарихи).
3. Олий Мажлис Сенатининг навбатдаги ялпи мажлиси 3 декабрь куни чақирилади. Унда, жумладан, ОТМларда давлат гранти асосида ўқиётган талабаларни бир муддат хавотирга солган 2016 йилги Давлат бюджети масаласи ҳам муҳокама қилинади.
4. Жанубий Корея ва КХДР келаси ҳафта музокараларни қайта бошлайди. Икки Корея ўртасида олий даражада учрашувлар ўтказилиши кутилмоқда.
5. Хитойда 43 соат ичида эски кўприк ўрнига янгиси қурилди. Бу хабарга илова қилинган видеони томоша қилиш шарт.
Изоҳ (0)