Миср FTБнинг A321 ҳалокатини текширишда иштирок этиш юзасидан таклифини қабул қилди

Миср АҚШ Федерал текширувлар бюросининг (FTБ) A321 авиаҳалокати текширувида кўмак бериш бўйича таклифини қабул қилди. Бу ҳақда мамлакат ташқи ишлар вазири Самех Шукри маълум қилди, дея хабар беради «Газета.ru».

«Биз америкаликлардан тергов гуруҳи таркибида қатнашиш юзасидан таклиф олдик ва зудлик билан уни маъқулладик», — дея таъкидлаган Шукри. Вазир бундай қарорни АҚШ Airbus самолётларида ўрнатилаётган двигателларни ишлаб чиқаришда иштирок этиши билан изоҳлади.

Эслатиб ўтамиз, олдинроқ FTБ Россия ва Мисрга A321 ҳалокатини текширишда ёрдам таклиф этгани тўғрисида хабар берилганди.