Британиянинг Бирмингем шаҳри шифохонасида Бухарест тунги клубида юз берган ёнғин оқибатида жабрланган яна бир киши ҳалок бўлди. Фожиа қурбонлари сони 48 нафарга етди, деб хабар беради «ТАСС».
9 ноябрь, душанба куни НАТО C-17 ҳарбий-транспорт самолёти тўққиз нафар жабрланувчини Буюк Британия шифохонасига, яна бир кишини Норвегияга етказди. Беморлардан олти нафарининг аҳволи оғир бўлиб, уларни Руминия тез ёрдам жамоаси кузатиб борди.
Яна бир қатор давлатлар, жумладан, Нидерландия, Австрия, Бельгия, Германия, Швейцария ва Исроил ўз шифохоналарида жабрланганларни жойлаштиришга рози бўлди. Жами 35 нафарга яқин ярадор бошқа давлатларга юборилди, бироқ улардан беш нафари ҳалок бўлди.
Эслатиб ўтамиз, аввалроқ Бухарестдаги тунги клубда рўй берган ёнғин қурбонлари сони 46 кишига етганлиги маълум қилинган эди.
Изоҳ (0)