Интернетда Mercedes тарихидаги энг катта автомобиль фотосурати тарқалди

GL модели меросхўри — Mercedes-Benz GLS’нинг расмий суратлари интернетда тарқалиб кетди, дея хабар бермоқда «Сегодня.ua».

Фотосуратларда Mercedes’нинг энг йирик оиласи вакили ёруғлик диодли кундузги чироқлар билан интеграция қилинган янги асосий фаралар билан таъминланганини кўриш мумкин.

Шунингдек, автомобилнинг олд бампери ҳаво панжараларини катталаштириш ҳисобига қайта ишланган, янги радиатор панжараси ва диффузор ўрнатилган.

Автомобилнинг двигателлари қатори, тахминларга кўра, ўзгаришсиз қолади. Маълум қилишларича, йўлтанламас автомобиль саккиз цилиндрли, ҳажми 5,5 литр бўлган GLS 63 AMG твин-турбо двигатель билан таъминланади.

Агрегат 557 от кучига эга бўлиб, унинг S-версияси қуввати 585 от кучига тенг. Автомобиль 2016 йилнинг январидан сотувда пайдо бўлиши кутилмоқда.