Ўзбекистон мусулмонлари идораси тизимидаги масжид имом-хатиблари ўртасидаги «Йил имоми – 2015» кўрик танловининг якуний – Республика босқичи 2015 йилнинг 3 ноябрь куни бўлиб ўтди. Танловда Қорақалпоғистон Республикаси, вилоятлар ва Тошкент шаҳри босқичларида ғолиб бўлган ўн тўрт нафар иқтидорли имом-хатиблар қатнашди. Бу ҳақда Ўзбекистон мусулмонлари идораси матбуот хизмати хабар берди.
Ҳакамлар ҳайъати томонидан баҳоланган танловнинг якуний натижаларига кўра, 225 балл тўплаган Тошкент шаҳар Олмазор туманидаги «Тўхтабой» жомеъ масжиди имом-хатиби Бегматов Исоқжон биринчи ўринга сазовор бўлди ва Ўзбекистон мусулмонлари идорасининг биринчи даражали дипломи, компьютер жамланмаси ва бошқа қимматбаҳо совғалар билан тақдирланди.
Иккинчи ўринга муносиб деб топилган, Самарқанд вилояти Самарқанд шаҳри «Хўжа Абду Дарун» жомеъ масжиди имом-ноиби Баҳриев Қамариддин ва Тошкент вилояти Бекобод тумани «Чаноқ» масжиди имом-хатиби Бухорбоев Ёқубга Ўзбекистон мусулмонлари идорасининг иккинчи даражали дипломи, телевизор ва бошқа қимматбаҳо совғалар тақдим этилди.
Учинчи ўринларга Қорақалпоғистон Республикаси Нукус шаҳар «Имом Эшон» жомеъ масжиди имом-хатиби Бахраматдин Разов ва Бухоро вилояти Бухоро шаҳар «Хўжа Исмат» жомеъ масжиди имом-хатиби Салоҳиддин Гадоев лойиқ кўрилди
Изоҳ (0)