Интернет фойдаланувчилари Москва давлат университети психология факультети сайтида йўқ саҳифани очишга уринган вақтда чиқадиган ноодатий 404-саҳифа борлигини аниқлашди. Meduza’нинг ёзишича, дастлаб саҳифа қуйидагича, стандарт кўринишда бўлади:
Бироқ саҳифада бироз туриб қолинса, у фойдаланувчи билан гаплашишни бошлайди.
«Сиз бу саҳифага 20 сониядан бери қараб турибсиз. Ҳали ҳам шу ерда эканлигингиз қизиқ. Афтидан, сиз қайсар одамга ўхшайсиз. Бироқ бу айнан сизга керак бўлган саҳифа эмас. Тўғриси, бу бошқа саҳифа. Сиз сўраган саҳифа мавжуд эмас. Ҳа, майли... Ҳозир, уни излашга ҳаракат қилиб кўраман...»
Meduza’нинг қайд этишича, сервер кутилганидан анча вайсақи бўлиб чиққан.
«Факультетда фақат психология ўқитилади. Яна, илмий тадқиқотлар ҳам олиб борилади. Айтмоқчи, сиз ҳозир ким билан суҳбатлашаётганингизни биласизми? Сунъий ақл соҳасидаги энг янги ишланма билан! Ҳазил. Мен бор-йўғи аҳмоқ веб-серверман. Веб-сервер бўлиш қизиқ экан, деб ўйлаяпсизми? Майли, нолимайман!»
МДУ психология факультети сервери билан бу ерда суҳбатлашиш мумкин.
Изоҳ (0)