Россиянинг олий мансабдорлари учун лимузинларни йиғиш майдони «Кортеж» лойиҳаси доирасида Москвадаги «НАМИ» (Автомобиль ва авто-мотор илмий-тадқиқот институти) институти корхоналарига жойлаштирилиши мумкин, дея хабар бермоқда «Газета.ru».
Бунда гап чекланган миқдордаги автомобилларни қўлда йиғиш ҳақида бормоқда. Дунёда махсус буюртмаларни бажаришда одатда шу усул қўлланилади.
«НАМИ»да махсус цех ташкил этилади, айни пайтда у учун ускуналар харид қилинмоқда.
«Коммерсант» нашри манбаларининг баъзилари лимузинлар «НАМИ»даги майдонда йиғилиши ҳақида якуний қарор қабул қилинмаганини, «Кортеж» лойиҳасининг серияли моделлари «УАЗ» корхоналарида ишлаб чиқарилишини айтмоқда.
Изоҳ (0)