Тошкентдаги Wyndham Tashkent меҳмонхонасида 25 октябрь куни Япониянинг Цукуба университети ҳамда Ўзбекистон давлат жаҳон тиллари университети ўртасида ўзаро ҳамкорлик битими имзоланди, дея хабар бермоқда «Дарё» мухбири Мадина Нурманова.
Маросим давомида икки университет раҳбарлари — Кёсуке Нагата ва Шуҳрат Қаюмов битимда кўзда тутилган бандлар, амалга оширилиши режалаштирилаётган лойиҳалар, кадрлар алмашинуви масалалари юзасидан фикр алмашди.
ЎзДЖТУда япон тили 2014 йилдан бошлаб асосий тил сифатида ўқитилаётган бўлса-да (бунгача у иккинчи тил сифатида ўрганилган), шу вақтга қадар талабалар бир қатор семинар-тренинглар, нотиқлик санъати танловлари ва халқаро тадбирларда ўз иқтидорларини намойиш этишга улгурди.
Изоҳ (0)