Ўзбекистон Ташқи иқтисодий алоқалар, инвестициялар ва савдо вазирлигида 24 октябрь куни Япония ташқи савдони ривожлантириш ташкилоти — JETRO раиси Хироюки Ишигэ билан музокаралар бўлиб ўтди. Бу ҳақда UzDaily хабар бермоқда.
Учрашув чоғида икки мамлакат ўртасидаги ўзаро манфаатли савдо-иқтисодий, инвестициявий ва инновацион-технологик ҳамкорликни янада кенгайтириш масалалари муҳокама қилинди.
Хироюки Ишигэ япон бизнесининг ўзбекистонлик ҳамкорлар билан узоқ муддатли алоқаларни ривожлантиришга бўлган қизиқиши ўсиб бораётганини алоҳида қайд этиб ўтди.
JETRO раҳбари сўзининг исботи сифатида, Япония бош вазири Синдзо Абэнинг Ўзбекистонга ташрифи доирасида 25 октябрь куни бўлиб ўтадиган қўшма бизнес-форумда қатнашиш учун Япония корпорация ва компаниялари (Mitsubishi, Mitsui, Isuzu, Itochu, Jogmec, Marubeni, Shimizu, Sumitomo, Sojitz, Toyota Tsusho ва бошқалар)нинг 200 дан ортиқ раҳбари ва вакиллари Тошкентга келганини маълум қилди.
Учрашув якунлари бўйича Япониянинг илғор тажрибаси ва компанияларининг замонавий технологик ечимларини жалб этган ҳолда Ўзбекистон иқтисодиётининг турли тармоқларида истиқболли ҳамкорлик лойиҳаларини юритиш бўйича фаол муносабатларни давом эттиришга келишиб олинди.
Изоҳ (0)