Россия президенти Владимир Путин Халқаро «Валдай» муҳокама клуби 12-анъанавий мажлисининг якуний ялпи сессиясига яшил Lada Vesta — «АвтоВАЗ»нинг янги моделини миниб келди, дея хабар бермоқда «РИА Новости».
Давлат раҳбари автомобилдан жуда мамнун эканлигини айтди. «Ажойиб машина, жуда яхши, бошқариш осон», — дея ўз таассуротлари билан ўртоқлашди у.
Журналистлар президентдан янги машинада «Валдай» клуби сессияси ўтказиладиган жойгача қандай тезликда етиб келганини сўрашганида, у йўллар илонизи бўлгани туфайли тезлик 30—50 километргача чеклангани, бироқ у бундан сал тезроқ юрганини тан олди.
Россия етакчиси билан бирга машинада «АвтоВАЗ» директори Бу Андерссон ҳам бор эди.
Изоҳ (0)