Rossiya prezidenti Vladimir Putin Xalqaro “Valday” muhokama klubi 12-an’anaviy majlisining yakuniy yalpi sessiyasiga yashil Lada Vesta — “AvtoVAZ”ning yangi modelini minib keldi, deya xabar bermoqda “RIA Novosti”.
Davlat rahbari avtomobildan juda mamnun ekanligini aytdi. “Ajoyib mashina, juda yaxshi, boshqarish oson”, — deya o‘z taassurotlari bilan o‘rtoqlashdi u.
Jurnalistlar prezidentdan yangi mashinada “Valday” klubi sessiyasi o‘tkaziladigan joygacha qanday tezlikda yetib kelganini so‘rashganida, u yo‘llar ilonizi bo‘lgani tufayli tezlik 30—50 kilometrgacha cheklangani, biroq u bundan sal tezroq yurganini tan oldi.
Rossiya yetakchisi bilan birga mashinada “AvtoVAZ” direktori Bu Andersson ham bor edi.
Izoh (0)