Самарқанд шаҳар Амир Темур маданият ва аҳоли дам олиш маркази ҳамда бадиий ҳаваскорлик жамоалари 18 октябрь Самарқанд шаҳар кунига бағишланган «Сайқал Самарқанд!» деб номланган байрам дастурини 1-сон Меҳрибонлик уйи тарбияланувчилари учун намойиш қилди. Бу ҳақда Самарқанд шаҳар Амир Темур маданият ва аҳоли дам олиш маркази директори «Дарё»га маълум қилди.
Тадбирни меҳрибонлик уйи директори Мавжуда Фахриддинова очиб бериб, йиғилганларни байрам билан табриклади ва байрам совғасидан болажонларнинг бошлари осмонга етганлигини айтиб ўтди.
Байрамда аҳоли дам олиш маркази бадиий ҳаваскорлик жамоалари ўз байрам дастурлари билан иштирок этди. Ушбу маданий тадбирда «Баркамол авлод» болалар ижодиёти маркази қошидаги «Жонона» рақс гуруҳи, «Бумеранг» театр студияси, бир қатор хонандалар ўз дастурлари билан йиғилганларни хушнуд этди.
Изоҳ (0)