Ўзбекистондаги тренд: техника интернет-дўконлари

Тошкентда маиший техникани қаердан харид қилиш мумкин? «Малика», «Абу Сахий» савдо расталари, MediaPark савдо марказлариданми ёки уйдан чиқмасдан, интернет-дўконларданми?

Сўнгги олти ой ичида Ўзнетда маиший техникани сайтдан танлаш ва буюртма қилиш имконини берувчи бир қанча қизиқарли лойиҳалар пайдо бўлди.

• Home24.uz ўзини уй учун нафақат техника, балки газлама, сантехника, безаклар, идиш-товоқлар, электрон ускуналар ва бошқа кўплаб буюмларни сотиб олиш мумкин бўлган онлайн-гипермаркет деб атайди. Афсуски, сайтда кўрсатилган бўлимларнинг баъзилари бўм-бўш. Тўлов эса онлайн тарзда эмас, товар етказиб берилганида амалга оширилади. Бироқ биздаги интернет-дўконларнинг кўпчилигида бундай ҳол кузатилади. Сайтдан харид қилишнинг тўлиқ цикли фақат баъзи лойиҳалардагина мавжуд (улар ҳақида кейинги мақолаларда батафсил сўзлаб берамиз).

• Hometeq.uz фақат техникага йўналтирилган (лойиҳа эса нафақат сайт, балки Тошкент бўйлаб дўконлар тармоғи сифатида ҳам тақдим этилган). Бу сайтда ҳам онлайн тўлов йўқ, товар пулини уни қўлга олиш чоғида тўлаш мумкин.

• Кўпчилик Megamall.uz лойиҳасини билади — у анча аввалроқ иш бошлаган бўлиб, эълонлар тахтаси ва дўкон витриналари аралашмаси кўринишидадир. Сотувчилар эълонлар жойлайди, фақат шуниси ачинарлики, нархлар доим ҳам актуал эмас.

• Меdia Park савдо маркази сайти тушунарсиз бўлиб чиқди — ассортимент яхши, бироқ нархлари йўқ. Умуман. Аввал нархларни кўриб, сўнг дўконга бориш мумкин эмасми? Функционал бўлмаган бундай сайтдан маъни борми?

Мақолада бозорда фаолият олиб бораётган лойиҳаларнинг барчаси ҳам келтирилмаган. Техникани кредитга берадиган интернет-дўконлар (Credit Asia, Technomart), RealTech дўкони, техника каталоги (http://dect.uz/) ва ҳоказолар ҳам бор.

Сиз яна қандай техника интернет-дўконларини биласиз?

Лойиҳа «Дарё» ва StartupFactory.uz томонидан ишга туширилган.