Жорий йилнинг 20 октябридан Euronews телеканалида Uzbekistan Life ахборот дастури доирасида Буюк ипак йўли мероси ва афсонавий Самарқанд шаҳри ҳақидаги видеорепортаж эфирга чиқди, дея хабар бермоқда «12news».
У телеканалда 25 октябрга қадар эфирга узатилади. Ноябрда эса томошабинлар Uzbekistan Life циклидаги янги видеорепортажни кўриши мумкин бўлади, унда Бухоро ва унинг бой ҳунармандчилик мероси билан танишиш мумкин.
Аввалроқ 5—14 октябрь кунлари Euronews телеканалининг суратга олиш гуруҳи Uzbekistan Life дастури учун Ўзбекистоннинг тарихий шаҳарлари – Самарқанд, Бухоро ва Термиз ҳақида учта кўрсатув тайёрлаш мақсадида Ўзбекистонга келиши ҳақида хабар берилган эди.
Эслатиб ўтамиз, Euronews телеканалида сентябрь ойидан бошлаб Самарқанд, Бухоро ва Хива тарихий ёдгорликлари акс этган 30 сониялик реклама ролиги намойиш этила бошланди. Le Mag рукнида эса Самарқандда бўлиб ўтган «Шарқ тароналари» халқаро фестивали ҳақидаги репортаж узатилди.
Изоҳ (0)