Борис Немцовнинг оиласи Чеченистон раҳбари Рамзан Қодиров ҳам сўроққа тутилишини талаб қилмоқда. Оила адвокати Вадим Прохоров Россия Федерацияси Тергов қўмитаси терговчилари Чеченистонга боришни режалаштираётгани тўғрисида пайдо бўлган хабарларни шундай шарҳлади, дея хабар беради «Эхо Москви».
Маълумотларга кўра, терговчилар жиноий иш қатнашчилари бўлган «Шимол» батальони жангчиларининг қариндошлари, танишлари ва ҳамкасбларини сўроқ қилиш ниятида. Тергов қўмитаси аввал Чеченистонга мазкур масала юзасидан сўровлар жўнатган, аммо бу ҳеч қандай натижа бермаган эди.
Эслатиб ўтамиз, олдинроқ Москванинг Басманний суди Жанна Немцованинг отасининг ўлими юзасидан Рамзан Қодиров ва бошқа юқори даражали чечен расмийларини сўроқ қилиш ҳақидаги талабини рад этганди.
Изоҳ (0)