Евро—2016 саралашининг плей-офф босқичига қуръа ташланди

Швейцариянинг Ньон шаҳрида Евро—2016 саралашининг плей-офф босқичига қуръа ташланди, деб хабар беради «Stadion.uz».

Гуруҳ босқичида 3-ўринни эгаллаган 8 терма жамоа қуръа натижасига кўра 4 та жуфтлик ҳосил қилди.

Қуръадан олдин жамоалар иккита саватчага ажратилган эди:

1-саватча: Босния ва Герцеговина, Украина, Швеция, Венгрия.2-саватча: Дания, Ирландия, Норвегия, Словения.

Қуръа натижалари эса қуйидагича бўлди:

Украина – СловенияШвеция – ДанияБосния ва Герцеговина – ИрландияНорвегия – Венгрия

Плей-офф баҳсларининг дастлабки ўйинлари 12—14 ноябрь, жавоб учрашувлари 15—17 ноябрь кунлари ўтказилади. Жуфтлик ғолиблари келаси йили Францияда ўтадиган Европа чемпионати йўлланмасини қўлга киритади.