Бразилиянинг жанубий штати бўлмиш Риу-Гранди-ду-Сулда кучли жала аралаш содир бўлган тошқин натижасида уч киши ҳалок бўлди, 1,4 мингдан ортиқ оила бошпанасиз қолди. Бу хақда «ТАСС» хабар бермоқда.
15 октябрь, пайшанба куни Бразилия ҳукумати кучли шамол аҳоли турар жойларига ва электрузатиш линияларига катта зиён етказганлигини маълум қилди. 500 минг нафарга яқин аҳоли электр таъминотисиз қолган.
Соатига 130 километр тезликда ҳаракатланаётган тошқин ва шамол оқими 31 мингта бинога турли даражада зиён етказган. 2,3 мингга яқин оила мактаб ва гимназияларга вақтинчалик жойлаштирилган.
Ушбу табиий офат юзасидан Бразилия миллий интеграция вазирлиги Риу-Гранди-ду-Сул штатининг 26 муниципалитетида фавқулодда вазият эълон қилди. Фалокат ҳудудига одамларга керакли ёрдам берувчи ва моддий зарарларни аниқловчи мутахассислар гуруҳи жўнатилган.
Изоҳ (0)