Бугун,

  • USD 11014.01
  • RUB 191.8
  • EUR 10674.78

Шу йилнинг 11 октябрь куни Россия пойтахти Москва шаҳри Crocus City Hall мажмуасида XVI Москва халқаро Қуръон қорилари мусобақаси бўлиб ўтди, деб хабар беради Ўзбекистон мусулмонлари идораси матбуот хизмати.

Фото: Islam-Today

Фото: Islam-Today

Унда 44 мамлакатдан Қуръони Карим ҳофизлари иштирок этди.

Саралаш беллашувларидан сўнг 6 мамлакат аъзоси мусобақанинг финал босқичига йўл олди (Жазоир, Эрон, Яман, Кувайт, Саудия Арабистони, Танзания).

Ҳакамлар ҳайъати қарорига кўра, Эрон ислом Республикаси вакили Мусо Мўтамеди қори мусобақа ғолиблигини қўлга киритди. Иккинчи ва учинчи ўринларни яманлик қори Зоид Абдуллатиф Абдуллоҳ Ал-Саноий ҳамда танзаниялик ҳофизи қуръон – Умар Абдуллоҳ Салим эгаллади.

XVI Москва халқаро Қуръон қорилари мусобақаси доирасида ислом маданияти ва Қуръони каримнинг тарихига оид кўргазма ташкиллаштирилди.

Кўргазмада Қуръони Каримниг ноёб тарихий нусхалари намойиш этилди. Шунингдек, Arabic Calligraphy Center Easy жамияти томонидан тажвид қоидалари ҳақида маҳорат дарслари ташкил қилиниб, хаттотлик санъати билан ҳам таништириб ўтилди. Кўргазмага ташриф буюрганлар бу борада ўзларини қизиқтирган саволларига жавоб олди.

Изоҳ
Асосий янгиликлар