Иқтисодиёт йўналишидаги Нобель мукофоти «истеъмол, қашшоқлик ва фаровонлик таҳлили»ни олиб боргани учун АҚШдаги Принстон университети олими Энгус Дитонга насиб этди. Бу ҳақда «Газета.ru» хабар бермоқда.
«Унинг тадқиқотлари қашшоқлик кўламларини таққослашдаги кўплаб кўринмас жиҳатларни аниқлади. У, шунингдек, уй истеъмоли ҳақидаги маълумотлардан онгли равишда фойдаланиш даромад ва калория истеъмоли ўртасидаги муносабат, шунингдек, оилада жинсий келиб чиқишга кўра таҳқирлаш даражасини ҳам кўрсатишини баён қилиб берди», — дейилади Нобель мукофоти қўмитаси баёнотида.
Маълумот учун, 2015 йилги мукофот миқдори 8 миллион швед кронаси ёки 953 минг долларни ташкил этади.
Аввалроқ Тинчлик йўналишидаги Нобель мукофотини «2011 йилдаги ‘жасмин инқилоб’дан сўнг Тунисда плюралистик демократияни ташкил эта олгани учун» Тунисдаги миллий мулоқот тўртлиги қўлга киритгани маълум бўлганди.
Изоҳ (0)