Туркияда 86 кишининг умрига зомин бўлган терактдан сўнг мамлакат бош вазири Аҳмет Давутўғли уч кунлик мотам эълон қилди. Бу ҳақда «Эхо Москви» хабар бермоқда.
Эслатиб ўтамиз, 10 октябрь, шанба куни тонгда Анқара марказидаги вокзал биноси яқинида 3 сониялик интервал билан иккита портлаш юз берди. Теракт содир бўлган вақтда вокзал олдидаги майдонда курд тузилмалари ва Туркия ҳукуматини ярашишга чақириш мақсадида ташкил этилган намойиш бўлаётган эди.
Портлаш худкуш террорчи томонидан амалга оширилгани ҳақида далиллар бор. Ҳозирча ҳеч қайси террорчилик гуруҳи ҳодиса бўйича жавобгарликни бўйнига олганича йўқ.
Изоҳ (0)