Жаҳон бокс ассоциацияси версияси бўйича супер оғир вазндаги жаҳон чемпиони ўзбекистонлик Руслан Чагаев ва австралиялик Лукас Браун ўртасидаги жанг Москва ёки Грознийда бўлиб ўтади. Бу ҳақда жаҳон чемпиони Чагаевнинг менежери Тимур Дугазаев маълумотига таяниб, «ТАСС» хабар беради.
Аввалроқ Чагаев ва америкалик Фрес Окендо ўртасида 17 октябрда Килда бўлиб ўтиши керак бўлган жанг Окендонинг жароҳат олганлиги туфайли бекор бўлганлиги маълум қилинган эди.
«Унвонга расман номзод Лукас Браун ҳисобланади. Ҳозир биз Жаҳон бокс ассоциацияси томонидан жанг санасининг белгиланишини кутяпмиз. Браунга қарши жанг Москва ёки Грознийда бўлиб ўтади. Буни Рамзан Аҳматович (Қодиров) билан муҳокама қилиш керак бўлади», — деди Дугазаев.
Изоҳ (0)