Ўзбекистонлик теннисчи Жўрабек Каримов Қозоғистоннинг Чимкент шаҳрида теннис бўйича соврин жамғармаси 15 минг АҚШ доллари бўлган Shymkent Open турнирида мусобақанинг биринчиси ракетка устаси беларуслик Ярослав Шилани 6:1, 6:1 ҳисобида мағлуб этди. Бу ҳақда «Оламспорт» хабар бермоқда.
Унинг чорак финалдаги рақиби россиялик Маркос Каловелонис бўлади.
Турнирнинг 6-ракеткаси бўлган Санжар Файзиев эса голландиялик Моо Споркенни 3:6, 6:3, 6:3 ҳисобида енгди. Файзиев чорак финалда мусобақанинг иккинчи тартиб рақамли теннисчиси грузиялик Александр Метревелига қарши кортга чиқади.
Ўзбекистонлик теннисчилардан Темур Исмоилов, Ҳумоюн Султонов, Одил Каримов, Шониғмат Шофайзиев, Абдулворис Сайидмуҳаммедовлар мағлубиятга учраб, асосий тўрдаги иштирокларини якунлади.
Изоҳ (0)